Бурно во Милан: Газидис ги „брка“ Бобан и Малдини и носи „свој човек“

Директорот на „росонерите“ Звонимир Бобан во разговор за „Газета“ потврди дека во Милан има „две струи“ и директно го обвини генералниот директор Иван Газидис.

После таквата изјава додатно се зголеми јазот помеѓу Газидис од една страна и Бобан и Малдини од друга страна, па медиумите најавувата големи промени на крајот на сезоната.

Газидис е човек од доверба на компанијата „Елиот“ која е соптсвеник на клубот, па поради тоа Бобан и Малдини најверојатно ќе ги напуштат директорските функции на крајот на сезоната.

Газидис без нивно знаење веќе преговарал со Ралф Рагник, кој од следната сезона треба да биде тренер, но и спортски директор во Милан.

Со тоа не се согласуваат Бобан и Малдини, па најверојатно на „лето“ ќе се прави реконструкција во раководството.

Тоа може да има сериозни импликации и во тимот. Имено, медиумите најавуваат дека можат да си заминат „пулените“ на Мино Раиола, а тоа се Донарума, Ибрахимовиќ, Бонавентура и Ромањоли.