Легендарниот ирски фудбалер Рој Кин упати жестоки критики кон англискиот репрезентативец Кол Палмер, оценувајќи дека фудбалерот на Челзи сè уште има премногу слабости за да биде играчот кој ќе ја однесе Англија до големи трофеи.
Кин вели дека Палмер е исклучително талентиран, но предупредува дека неговите „лоши навики“ можат да бидат сериозна пречка на највисоко ниво.
„Ако мислите дека тој ќе ја однесе Англија на едно повисоко ниво и ќе освојува трофеи, заборавете на тоа“, порача Кин.
„Ми се допаѓа Палмер, тој е талентиран играч, но според мене има премногу лоши навики“, додаде поранешниот капитен на Манчестер Јунајтед.
Изјавата на Кин веднаш привлече внимание, особено поради високите очекувања од Палмер во англиската репрезентација. Младиот офанзивец во последните сезони се наметна како еден од најважните англиски фудбалери, но Кин смета дека сè уште има простор за значителен напредок доколку сака да биде лидер на репрезентацијата.
Учество во игри на среќа е дозволено за лица со 18+ години. Играј одговорно!