Емотивно попладне во Минхен: Од Баерн се простуваат Рибери, Робен и Рафиња (ФОТО)

Баерн Минхен на „Алијанц Арената“ го игра натпреварот од последното коло во Бундес лигата против Ајнтрахт Франкфурт.

Баварците до водство стигнаа уште во четвртата минута кога Кингсли Коман погоди за 1:0, а со тој резултат се замина на полувреме иако Баерн можеше да има многу поголема предност.

На Баерн во овој натпревар му е потребен само бод за да ја освои титулата.

Пред самиот почеток на натпреварот Баерн Минхен прости од своите три одлични играчим Франк Рибери, Арјен Робен и Рафиња, тие ја играат последната сезона во дресот на Баерн.

Играчите добија посебни подароци и слики со трофеите кои ги освојуваа, а навивачите со посебни транспаренти се простија од своите миленици.