Лампард ја потврди иднината на Жиру

Веќе подолго време се зборува за заминување на Оливие Жиру од „Стенфорд Бриџ“ бидејќи напаѓачот добива мала минутажа во Челзи.

Долго се зборуваше за негов трансфер во Интер, а последните денови беше поврзуван со трансфер во Тотенхем и Лацио.

Меѓутоа, Челзи не успеа да донесе негова замена, па денес Лампард потврди дека Французинот останува на „Стенфорд Бриџ“ до крајот на сезоната.

„Оливие Жиру беше неверојатен како професионалец, но и како човек, во текот на целиот преоден рок. Среќен сум што останува со нас“, истакна Лампард.

Жиру оваа сезона запиша само пет настапи во Премиер лигата и се надева дека во вториот дел од сезоната ќе добива поголема минутажа.