Рибери за белегот на лицето: Тој опасен инцидент го формираше мојот карактер

Франк Рибери во наредните две години ќе игра во Серија А откако потпиша договор со Фиорентина.

Легендарниот Французин пристигнува како слободен играч откако повеќе од една деценија настапуваше за Баерн Минхен.

Во новиот клуб денес официјално беше претставен, а едно од прашањата се однесуваше белегот на неговото лице по кој стана препознатлив.

„Имав потешкотии кога бев дете. Растев на улица и за мене е важно никогаш да не заборавате од каде доаѓате“, изјави Рибери и продолжи:

„Едноставен сум и ме почитуваат луѓето кои ми се блиски. Тој опасен инцидент го формираше мојот карактер и направи да имам големо срце. Ако можам да помогнам го правам тоа, јас сум човек“, одговори Французинот.