Рибери пред враќање во Серија А

Ветерано Франк Рибери е слободен агент, а како што стојат работите ќе се врати во Серија А.

Италијанските медиуми објавија дека 38-годишниот Французин постигнал договор со Верона и соработката наскоро треба да биде официјализирана.

Откако ја напушти Фиорентина Рибери преговараше со неколку клубови, се споменуваше враќање во Баерн со кој и тренираше, но тоа нема да се случи. Според најавите неговото пристигнување во Верона треба да биде многу брзо комплетирано.

Во кариерата Рибери осумпати беше шампион на Германија, шестпати го освои Купот на Германија и ја освои Лигата на шампионите. Последните две сезони ги помина во дресот на Фиорентина.