Неверојатна ситуација во Серија А: Тренер двапати во еден месец беше отпуштен од истиот тим

По вторпат во еден месец италијанскиот калчолигаш Салернитана го отпушти тренерот Давиде Никола, а сега на негово место го доведе Пауло Соуса.

Салернитана во јануари го отпушти Никола по катастрофалниот пораз од Аталанта со 2:8, а само два подоцна се предомислија и го вратија на клупата.

 Но, во следните четири натпревари кои ги одигра не успеа да ја врати довербата и повторно доби отказ. Тимот во тие четири натпревари трипати беше поразен.

Соуса во продолжение од сезоната ќе има за цел да го спаси тимот од испаѓање. Во овој момент Салернитана е на 16-то место со 21 освоен бод, четири повеќе од Верона.