Вимблдон го казни Ѓоковиќ!

Новак Ѓоковиќ одигра неверојатен меч во четвртфиналето на Вимблдон против Феликс Оже-Алијасим, но сега доби и казна.

Седумкратниот шампион на најелитниот тениски турнир беше казнет поради „гласна вулгарност“, соопштија организаторите. Ѓоковиќ за овој инцидент ќе плати казна од 5.600 фунти.

Иако казната беше објавена за време на дуелот со Канаѓанецот, фактички се однесува на прекршокот во претходниот меч против Роман Сафјулин. Ѓоковиќ беше казнет откако неколкупати го повтори зборот „ср*ње“ поради која му беше изречена и опомена.

Ѓоковиќ го обезбеди своето место во полуфиналето на Вимблдон, каде што ќе се соочи со Јаник Синер.