Демба Ба потврди: Разговаравме со Колетску

Поранешниот фудбалер на Челзи и Њукасл се најде во центарот на вниманието во хаосот кој се случи пред една недела на мечот ПСЖ – Башакшехир.

Како што е познато играчите на Башакшехир ги напуштија теренот поради наводни расистички навреди од четвртиот судија Себастијан Колетску. Натпреварот се одигра ден подоцна со нови судии.

Вчера се појавија информации дека по скандалот Демба Ба разговарал со судијата Колетску, сега тие информации се и потврдени од напаѓачот.

„Да, разговаравме. Колетску ми се јави, се извини и ми кажа дека тој не е расист“, изјави Демба Ба.