Стотици навивачи го пречекаа Салах во Истанбул

Египетската ѕвезда Мохамед Салах слета во Истанбул пред неговиот трансфер во Трабзонспор.

34-годишниот играч пристигна со приватен авион од грчкиот остров Миконос, каде што беше на одмор. На аеродромот „Ататурк“ беше пречекан од стотици ентузијасти навивачи на неговиот иден тим.

Облечен во дрес на Трабзонспор, Салах ги поздрави навивачите и го поведе популарното скандирање „ючлю“. Навивачите, пак, го поздравија со извици, изразувајќи ја нивната огромна радост од неговото доаѓање.

Откако ги поздрави собраните, египетскиот фудбалер влезе во возилото на претседателот на клубот Ертугрул Доган и го напушти аеродромот.

Се очекува Салах да помине медицински прегледи во болницата „Аџибадем Маслак“, по што ќе потпише двегодишен договор со клубот од Трабзон. Од клубот велат дека сè уште преговараат, но договорот изгледа сигурен. Поранешниот играч на Ливерпул ќе потпише за две сезони со плата од 17 милиони евра, а дополнително ќе добива по 25% од сумата од сите продадени клубски производи со неговото име и лик.

Подоцна вечерва, Мохамед Салах ќе отпатува за Трабзон заедно со претседателот Ертугрул Доган и членови на управниот одбор. За утре е планирана официјална церемонија за потпишување на договорот, која ќе биде отворена за навивачите и ќе се одржи на стадионот „Папара Парк“.

🔴🔵Muhammed Salah, Trabzonspor’a imza atmak için İstanbul’da 🛩️ pic.twitter.com/LM7uo1VIV8

— TRT Spor (@trtspor) August 5, 2026