Сега е јасно зошто потпиша: Откриена „луда“ клаузула од договорот на Салах со Турците

Мохамед Салах е подготвен да започне ново поглавје во својата богата кариера. Тој денес ќе потпише договор со турскиот Трабзонспор, со што ќе биде завршена повеќемесечната сага за неговата иднина која привлекуваше огромно внимание на фудбалската јавност ширум светот.

Репрезентативецот на Египет го напушти Ливерпул по завршувањето на минатата сезона по девет години минати на „Енфилд“, каде што стана еден од најдобрите играчи во историјата на клубот и освои речиси сите најзначајни трофеи на клупско ниво.

Трабзонспор така стана седмиот клуб во професионалната кариера на Мохамед Салах, кој пред доаѓањето во Турција настапуваше за Ал Мокаулун, Базел, Челси, Фиорентина, Рома и Ливерпул.

Неговото доаѓање во Трабзон предизвика вистинска еуфорија меѓу навивачите на овој клуб, кои веруваат дека токму Салах ќе биде човекот кој ќе ги врати во борбата за најголемите трофеи во турскиот фудбал.

Турскиот весник Акшам објави детали од договорот што Салах го потпиша со неговиот нов клуб, а одредени клаузули предизвикаа посебно внимание во јавноста.

Според информациите на овој весник, египетскиот фудбалер потпиша двегодишен договор, според кој ќе заработува дури 17 милиони евра по сезона, што го прави еден од најплатените играчи кои некогаш настапувале во турската Суперлига.

Сепак, финансискиот износ не е единствената интересна ставка во договорот помеѓу Салах и Трабзонспор.

Имено, Акшам наведува дека договорот содржи посебна клаузула според која Салах ќе има право на дури 20 проценти од приходите од продажбата на сите производи кои ќе го носат неговото име или лик, што дополнително потврдува колкав маркетиншки потенцијал Египќанецот носи на својот нов клуб.