Решено е: Реал Мадрид го испраќа својот млад талент во Серија “А”

Франко Мастантуоно наскоро ќе се приклучи на Фиорентина од Реал Мадрид, објави Фабрицио Романо.

Утрото беше постигнат договор помеѓу клубот од Серија “А” и „лос бланкос“, а 18-годишниот талент ќе се префрли кај „виолетовите“ на заем за целата следна сезона. Мастантуоно треба да се врати во Мадрид во јуни 2027 година. Минатата сезона тој одигра 23 натпревари во Ла Лига со дресот на Реал и постигна еден гол.

Ривер Плејт, Виљареал и Фулам исто така беа меѓу тимовите кои покажаа интерес за Мастантуоно, кој има 4 натпревари со дресот на аргентинскиот национален тим и беше дел од Ривер Плејт во периодот од 2019 до 2025 година.