Демба Ба му се враќа на фудбалот, познато и каде!

Поранешниот репрезентативец на Сенегал и некогашна ѕвезда на европскиот фудбал, Демба Ба, е пред нов значаен предизвик во својата кариера.

Како што пренесуваат реномирани француски медиуми, екс-напаѓачот на Челси ќе биде назначен за директор на фудбалот во Ле Авр, член на француската Лига 1.

🚨🇸🇳 𝐁𝐑𝐄𝐀𝐊𝐈𝐍𝐆 | Demba Ba is set to become the football director of Ligue 1 side Le Havre, reports @Tanziloic. 🔵⚪️✅ pic.twitter.com/XLUNQfX2Ny

— EuroFoot (@eurofootcom) June 10, 2026

Договорот меѓу сите засегнати страни е постигнат, а официјалната потврда се очекува во наредните денови. На оваа позиција, Демба Ба ќе го замени Матиј Бодмер, кој неодамна го напушти клубот по неколку успешни сезони во кои помогна да се стабилизира Ле Авр меѓу француската елита.

По завршувањето на играчката кариера, Ба успешно се насочи кон менаџерски улоги во фудбалот. Се истакна особено во Данкерк, каде одигра значајна улога во изградбата на спортскиот проект, развојот на млади таленти и креирањето на препознатлива стратегија за нови засилувања.

Неговата работа не остана незабележана, притоа привлекувајќи внимание од неколку клубови, но на крајот Ле Авр успеа да го ангажира него.

Францускиот клуб влегува во нова фаза на развој со поддршка од сопственичката групација Blue Crow, која има за цел да го зајакне спортскиот сектор и да ја зацврсти позицијата на клубот во Лига 1.

Токму затоа изборот падна на Демба Ба, човекот кој во последните години стекна репутација како еден од најперспективните спортски директори во францускиот фудбал.