Уште две ѕвезди на Реал позитивни на коронавирус

Реал Мадрид соопшти денес дека двајца играчи на овој тим се заразени со коронавирус.

„Кралевите“ вчера имаа тестирање на коронавирус пред натпреварот за викеднот, а резултатите покажаа дека имаа двајца новозаразени.

Шпанскиот гигант потврди дека заразени се Еден Азар и Касемиро, двајцата се веќе во изолација и немаат никакви симптоми.

Се очекува Азар и Касемиро да бидат надвор од теренот десетина дена. За Реал е добро што по овој викенд следи репрезентативна пауза па би требало да бидат спремни за мечот на 25. ноември кога Реал во Милано ќе игра против Интер.

Official Announcement.#RealMadrid

— Real Madrid C.F. ???? (@realmadriden) November 7, 2020