Жиру бил лут и разочаран од однесувањето на управата на Интер

Францускиот напаѓач Оливие Жиру остана во Челзи иако беше скоро сигруно дека ќе го напушти „Стенфорд Бриџ“.

Жиру во досегашниот дел од сеозната не се наигра во дресот на „сините“ и со сите сили сакаше да го напушти клубот. Најмногу се шпекулираше дека ќе потпише за Интер, потоа со Тотенхем и Лацио. Сепак, на крајот не ја промени средината.

Жиру остана во Челзи и англиските медиуми пренесуваат дека Французинот бил разочаран од она што се случуваше во претходните денови. Посебно бил лут на управата на Интер.

Наводно, Жиру испратил порака до раководството на Интер во која им порачал дека без никаква почит преку ноќ го стопирале неговиот трансфер. Жиру не добил никакво објаснување иако претходно постигнал договор со Интер.

Од друга страна Лацио сакаше да го купи Жиру за пет милиони евра, меѓутоа Челзи тогаш беше тој кој се откажа од продажбата. На Французинот договорот му истекува на лето и најавите се дека како слободен играч ќе се пресели во Лацио.