Агентот на Рашфорд пристигна во Милано

Маркус Рашфорд е на излезните врати на Манчестер Јунајтед, а според последните најави би можел кариерата да ја продолжи во Серија А.

Манчестер Јунајтед е спремен да го испрати на позајмица до крајот на сезоната и веќе почнал преговори со Милан.

„Росонерите“ се заинтересирани за Англичанецот, но проблем може да биде неговата висока плата.

Братот и агент на Рашфорд денес пристигна во Милано и утре ќе има преговори со раководството на „росонерите“, а Ибрахимовиќ лично разговарал со Рашфорд и го убедил да се пресели на „Сан Сиро“.