Мурињо објасни: Еве зошто користи велосипед за време на тренингот

Фудбалерите во Премиер лигата пред една недела се вратија на тренинзите, меѓутоа се уште тие се одвиваат во помали групи.

Жозе Мурињо пред неколку дена го привлече вниманието откако беше фотографиран со велосипед на теренот додека неговиот тим имаше тренинг.

Вакво ситуација секако е невобичаена, а Мурињо сега ја објасни комичната ситуација. Мурињо велосипедот го користел затоа што терените биле големи и така полесно имал контрола.

„Фотографијата со велосипедот сигурно сите ја видовте. Знам дека изгледа чудно, но мора така затоа што сме ограничени и цел тим не работи заедно. Терените се навистина големи, па со велосипедот имам контрола над сите групи“, објасни Мурињо.