Овие двајца играчи во „Ла Масија“ изведуваа слободни удари пред Меси, а денес – пропаднаа!

Познатата фудбалска школа на Барселона „Ла Масија“ секогаш била преполна со талентирани играчи.

Некои успеаа да остварат големи кариери и да бидат најдобри во светот, но имаше и такви кои не ги исполнија високите очејувања. Посебно тоа се однесува на двоецот кој дури изведуваше слободни удари подобро од самиот Лионел Меси.

Кога ќе видиме како Меси ги изведува слободните удари тоа звучи неверојатно, но Меси во „Ла Масија“ слободните удари ги оставаше на Виктор Васкез и Жуан Клауси.

Васкез е шест месеци постар од Меси и одигра вкупно три натпревари за првиот тим на Барселона. Успеа да постигне и гол за Каталонците во Лигата на шампионите против Рубин Казан.

Во времето на Пеп Гвардиола Васкез во 2011 година беше продаден на Клуб Бриж и денес игра во Катар за тимот на Ум Салал, додека претходно настапуваше во мексиканскиот Круз Азул и канадскиот Торонто.

Клауси пак оствари уште послаба кариера. Тој играше за младинците на Барселона, а потоа во главно играше во клубови во пониските лиги во Шпанија.