Ембид го прашаа за Јокиќ, а тој порача: Не ми е гајле за него

НБА ѕвездата Џоел Ембид го коментираше дуелот кој ќе го има со Никола Јокиќ на Олимписките игри.

Ембид е роден во Камерун, меѓутоа се одлучи да го носи дресот на репрезентацијата на САД. Токму репрезентацијата на САД ќе биде првиот противник на Србија на Олимписките игри во Париз.

Новинарите сега го прашаа Ембид за тој дуел со Јокиќ.

„За Јокиќ не ми е гајле. Јас играм за мојата репрезентацијата и само тоа ми е важно. Фокусирани сме на себе и сакаме да одиграме на високо ниво“, изјави Ембид.

Олимписките игри започнуваат на 26. јули и ќе се играат до 11. август.