Реал го купи Нико Паз од Комо за девет милиони евра, па му го продаде 60

Реал Мадрид донесе очекувана одлука за трансфер на својот млад талент ова лето – Нико Паз (21) својата кариера ќе ја продолжи трајно во Комо. По денови исполнети со преговори и неизвесност околу иднината на аргентинскиот играч за врска и неговиот соиграч Мартин Батурина, конечно е постигнат договор, открива експертот за трансфери Фабрицио Романо.

Комо постигна договор со Реал Мадрид за постојаниот трансфер на Нико Паз. Италијанскиот новинар исто така откри дека Реал Мадрид ги заштити своите долгорочни интереси со вградување на клаузула за повторно откупување на играчот во договорот.

Комо за постојаниот трансфер на Паз на Реал Мадрид ќе плати околу 60 милиони евра, откако Реал претходно го активираше правото за откуп на Паз за 9 милиони евра. Во новиот трансфер, Реал вклучи клаузула која му овозможува повторно да го врати Паз за 80 милиони евра.

Овој договор му овозможува на шпанскиот гигант значајна финансиска заработка, но и остава отворена можноста една од најперспективните ѕвезди од академијата на клубот во иднина да се врати на Сантијаго Бернабеу.

Договорот беше резултат на денови исполнети со интензивни преговори. Реал Мадрид прво ја активираше клаузулата за откуп на играчот за врска, пред да започне нови преговори со Комо за трајниот трансфер. Во меѓувреме, се зборуваше и за можноста Паз да стане дел од преговорите за трансфер на Алесандро Бастони во Интер од Милано.