Видео: Манчестер Сити броеше до шест против Саутемптон!

Манчестер Сити без поголеми проблеми го декласираше тимот на Саутемптон и остана на врвот на Премиер лигата.

„Граѓаните“ жестоко го започнаа натпреварот и прашањето на победниот го решија во првите 18 минути.

Домаќините отворија уште во шестата минута кога Хоедт си ја погоди сопствената мрежа. Потоа во 12-тата Серхио Агуеро зголемува на 2:0 после асистенцијата од Рахим Стерлинг за шест минути подоцна Давид Силва со одличен волеј да погоди за убедливи 3:0.

Почесниот гол за гостите го постигна Ингс од пенал, а потоа на сцена стапи Стерлинг со нови два гола. Точка на натпреварот стави Сане во 92-та минута.