Рашфорд се врати во Манчестер јунајтед, а потоа следуваше голем пресврт

Маркос Рашфорд би можел сè уште да го напушти Манчестер Јунајтед ова лето, иако се врати во клубот по едногодишна позајмица во Барселона.

Англискиот репрезентативец овој месец повторно се приклучи на екипата на Манчестер Јунајтед, откако минатата сезона ја помина на позајмица во Барселона.

Рашфорд минатата недела првпат по декември 2024 година играше за својот матичен клуб, кога настапи во пријателскиот натпревар против Милан.

Барселона имаше можност да го откупи за 30 милиони евра, но каталонскиот клуб не ја активираше таа опција.

Поради тоа, Рашфорд се врати во Манчестер, а тренерот Мајкл Керик, наводно, е отворен за можноста да го користи во текот на наредната сезона. Сепак, неговата иднина сè уште е нерешена.

Според информациите на „TEAMtalk“, Барселона сè уште е во контакт со претставниците на Рашфорд и останува заинтересирана за можноста негов повторен трансфер.