Српската кошарка во шок: Никола Калиниќ објави крај на кариерата!

Српскиот кошаркар Никола Калиниќ донесе одлука да ја заврши својата професионална кариера.

Оваа вест ја објави преку социјалните медиуми, нагласувајќи дека и понатаму ќе остане во кошарката, но како помошник-тренер во Црвена ѕвезда.

“Луѓе, ја завршувам кариерата. Станувам помошник-тренер во Ѕвезда. Поради приватни причини сакам да бидам блиску до Белград. Ви благодарам на сите што бевте дел од ова лудо патување”, напиша Калиниќ.

Имаше шпекулации дека не е во плановите на новиот тренер Ибон Наваро, а наедно се појавија информации дека за Калиниќ била заинтересирана екипата на Војводина од Нови Сад.

Сепак, освојувачот на Евролигата и медалист од најголемите натпревари со репрезентацијата на Србија реши да ја заврши кариерата на 35-годишна возраст.

Калиниќ ја започна својата кариера во Спартак Суботица. Во Србија, освен за Црвена ѕвезда, играше за Нови Сад, Војводина и Раднички Крагуевац. Најголемите успеси ги постигна во дресот на турски Фенербахче, а пред да се врати во Ѕвезда, играше во Шпанија за Валенсија и Барселона.

Фото: FIBA