Веќе е познато и кој број ќе го носи Родри во Барселона, еден фудбалер му направил услуга

Во следните неколку денови, шпанскиот играч за врска Родри ќе го финализира својот трансфер во редовите на шпанскиот гигант Барселона.

Каталонскиот клуб се договори со Манчестер Сити за трансферот на еден од најдобрите играчи за врска на сегашноста, а многумина беа љубопитни кој број ќе го носи тој во клубот.

Имено, Родри во Манчестер Сити и шпанската репрезентација беше носител на дрес со број 16, кој во Барселона го носеше Фермин Лопез.

Родри го прашал Фермин дали може да ја отстапи неговата 16-ка, на што Фермин со задоволство се согласил.

Така Фермин од новата сезона ќе носи дрес со број седум, кој досега го носеше Феран Торес кој се пресели во ПСЖ.