Ново чудо од дете во Ла Лига: На 15 години го надмина Јамал!

Марк Сантос го запиша своето име во историјата на шпанскиот фудбал. Младиот играч на Леванте дебитираше во Ла Лига на возраст од само 15 години, девет месеци и 15 дена, со што стана најмладиот фудбалер во историјата на клубот кој заиграл во највисокото ниво на шпанскиот фудбал.

Овој талент од академијата на Леванте ја доби својата шанса во првиот натпревар од новата сезона против Еспањол на стадионот РЦДЕ и веднаш го впиша своето име во фудбалските анали.

Сантос влезе во игра во 64-та минута, заменувајќи го Иван Ромеро, а тренерот го постави на левиот дел на теренот.

Со само 15 години и 288 дена, тој стана најмладиот дебитант на Леванте во Ла Лига.

Двајца дури и помлади

Неговото достигнување станува уште повпечатливо кога се спореди со целокупната историја на шпанското првенство.

Сантос стана третиот најмлад дебитант во историјата на Ла Лига, со иста возраст на денот на дебито како Педро Ирасторза, кој за првпат настапил за Доностија во 1933 година.

Апсолутниот рекорд сѐ уште го држи Лука Ромеро, кој дебитираше за Мајорка во сезоната 2019/2020 со само 15 години и 219 дена.

Пред Сантос е уште и Сансон, кој за Селта дебитираше на 15 години и 255 дена во далечната 1939 година.

Надмина и Ламине Јамал

Интересно е како се споредува со Ламине Јамал, еден од најголемите таленти што шпанскиот фудбал ги создал во последните години.

Ѕвездата на Барселона дебитираше во Ла Лига со 15 години и 290 дена, што значи дека Сантос бил само два дена помлад кога првпат стапнал на елитниот шпански терен.

Очигледно Леванте во своите редови има извонреден талент, а по историското деби, вниманието на шпанската јавност кон овој 15-годишник само ќе продолжи да расте.

Најмлади дебитанти во историјата на Ла Лига

• Лука Ромеро – 15 години и 219 дена / Мајорка
• Сансон – 15 години и 255 дена / Селта
• Марк Сантос – 15 години и 288 дена / Леванте
• Педро Ирасторза – 15 години и 288 дена / Доностија
• Оскар Рамон – 15 години и 289 дена / Сарагоса
• Ламине Јамал – 15 години и 290 дена / Барселона
• Сегара – 16 години и 18 дена / Сарагоса
• Бранко – 16 години и 83 дена / Еспањол
• Фабрис – 16 години и 98 дена / Малага
• Пуче II – 16 години и 124 дена / Елче