Поранешниот фудбалер на Барселона, Серхио Бускетс, повторно е дел од каталонскиот клуб, заземајќи улога на помошник тренер во вториот тим на Барселона.
Од клубот потврдија дека Бускетс ќе биде дел од стручниот тим предводен од Џулијано Белети, а паралелно ќе продолжи со стекнување на тренерски лиценци.
Ова е прва позиција за 38-годишниот Бускетс по завршувањето на неговата играчка кариера. Шпанскиот фудбалер се повлече во 2025 година, по завршетокот на сезоната која ја мина во Интер Мајами, играјќи со поранешните соиграчи Лионел Меси, Луис Суарез и Жорди Алба.
Бускетс беше дел од Барселона цели 18 години, започнувајќи во младинските редови од 2005 година, и три години подоцна стана дел од првиот тим. За каталонците одигра вкупно 722 натпревари.
Со Барселона освои девет шампионски титули во Шпанија и три титули во Лигата на шампионите. Беше важен дел од средината на полето заедно со Чави Ернандез и Андрес Иниеста, а според бројот на настапи за клубот е на трето место, веднаш зад Меси и Чави.
Sergio Busquets s’incorpora al Barça Atlètic com a tècnic assistent
— Barça Atlètic (@FCBarcelonaB) August 17, 2026
La llegenda blaugrana torna al Club i s’integra en l’equip de treball de Juliano Belletti mentre realitza el curs d’entrenador
🔗 👉🏼 https://t.co/viYfmGhp6h
💙❤️ pic.twitter.com/0m8BqhO1Ks
Учество во игри на среќа е дозволено за лица со 18+ години. Играј одговорно!