Онана му подари гол на Плзен, но Јунајтед победи

Манчестер Јунајтед ја забележа својата трета победа во Лига Европа откако направи пресврт и триумфираше на гости против Викторија Плзен со 1-2. 

Чешкиот тим дојде во водство од 1-0 на почетокот на второто полувреме, а најголем виновник за тоа беше голманот на англискиот тим, Андре Онана, кој му подари топка на противничкиот играч.

Хојлунд го израмни резултатот во 62. минута, а потоа со погодок во 88. минута го донесе триумфот за својот тим.

Рома на „Олимпико“ ја совлада Брага со убедливи 3-0. ПАОК беше убедлив против Ференцварош со 5-0. Малме и Галатасарај одиграа возбудлив натпревар кој заврши нерешено 2-2.