Надал во Мадрид доби уште едно престижно признание

Еден од најголемите тенисери во историјата и освојувач на 22 Гренд Слем титули, Рафаел Надал, вечерва во Мадрид ја прими престижната награда “AS Legend”, признание кое угледниот шпански весник го доделува на спортистите со извонредни кариери.

Настанот се одржа во рамките на годишните “AS Sports Awards”, каде што Надал беше во друштво на бројни спортски ѕвезди.

Меѓу добитниците беше и седумкратниот шампион во MotoGP, Марк Маркез, кој ја доби наградата за континуирана доминација на мотористичките патеки.

Признание доби и победникот на легендарната трка Indy 500, Алекс Палоу, потврдувајќи го неговиот статус како еден од најуспешните шпански возачи денеска.

🏆‼️ Los #PremiosAS2025 encumbran a Rafa Nadal con un precioso homenaje a su legado dentro y fuera de la pista

👉 La 19ª gala del @diarioas ha sido dedicada al mejor deportista español de todos los tiempos con el Premio Leyenda AS del Deporte 2025https://t.co/ehEiqtUzgI pic.twitter.com/K7rcSdGlvu

— El Larguero (@ellarguero) December 1, 2025

Специјален фокус беше ставен на фудбалерите Рафаел Варан, Хесус Навас, Фернандо Торес и Раул, кои добија признанија за своите успешни кариери.

Во центарот на вниманието беше и олимписката шампионка во бадминтон од Рио 2016, Каролина Марин, која доби награда “Sport in Positive” за извонреден придонес кон спортските вредности.

Целата вечер беше во знакот на славењето на спортските достигнувања, со Надал како симбол на долговечност, успех и посветеност.