Шпанскиот тенисер Алехандро Давидовиќ Фокина се пласираше во полуфиналето на Мастерсот во Шангај откако неговиот противник, младиот Француз Артур Жеа, се повлече поради повреда при резултат 4:1.
Давидовиќ Фокина стигна до своето четврто полуфинале на турнирите од серијата 1000 за само 24 минути игра. Жеа не можеше повеќе да се движи и на 30:0 му пружи рака на својот противник, видливо разочаран.
Со оваа победа, Давидовиќ Фокина повторно се врати во Топ 20 на светската ранг-листа. Ова е неговиот најдобар настап во Шангај досега, бидејќи претходно најдалеку што стигнал беше третото коло.
Во полуфиналето, Давидовиќ Фокина ќе се соочи со победникот од дуелот помеѓу Александар Зверев и Алекс Де Минор. Шпанецот досега има одиграно едно финале на Мастерс турнир, во Монте Карло пред четири години, кога загуби од Стефанос Циципас во два сета.
Ќе видиме дали овој пат ќе успее да направи чекор напред и да се пласира во финалето.
Учество во игри на среќа е дозволено за лица со 18+ години. Играј одговорно!