Италијанците во ЛШ веќе се во проблем: само четири бода по две кола

Стартот на италијанските клубови во Лигата на шампионите 2026/27 е далеку од посакуваниот. По првите две рунди, Интер, Наполи, Рома и Комо заедно освоија само четири бода, па шансите барем еден тим од Серија А директно да стигне до осминафиналето веќе се намалени.

Во моментов, најдобро стои Комо со три бода, Рома има еден, додека Интер и Наполи сè уште се без освоен бод.

Според пресметките што ги издвојува „Газета дело Спорт“, во претходните две изданија на натпреварувањето биле потребни 16 бода за пласман меѓу првите осум екипи, односно за директно место во осминафиналето.

Тоа значи дека италијанските претставници веќе си го стеснија просторот за грешка, бидејќи до крајот на лигашката фаза остануваат уште 18 можни бода.

Ниту статистиката не им оди во прилог. Во последните две сезони, само два клуба успеале да стигнат до плејофот за нокаут-фазата откако ги загубиле првите два натпревари: Милан во сезоната 2024/25 и Бенфика во 2025/26.

Следното коло носи нови важни тестови за клубовите од Серија А. Во вторник, Наполи на домашен терен ќе го пречека Бодо/Глимт, а Рома ќе игра против Слован Братислава.

Во среда, Комо ќе биде домаќин на Манчестер Јунајтед, додека Интер ќе го пречека Шахтјор Доњецк.

Преостанати натпревари за клубовите од Серија А

Интер

Шахтјор Доњецк (дома)

Феенорд (гости)

Штутгарт (дома)

Борусија Дортмунд (гости)

Ливерпул (дома)

Слован Братислава (гости)

Наполи

Бодо/Глимт (дома)

Порто (гости)

Манчестер Сити (гости)

Клуб Бриж (дома)

Сабах (гости)

Викинг (дома)

Рома

Слован Братислава (дома)

Манчестер Јунајтед (гости)

ПСЖ (гости)

Спортинг (дома)

АЕК Атина (гости)

Лил (дома)

Комо

Манчестер Јунајтед (дома)

Ланс (гости)

АЕК Атина (дома)

Реал Бетис (гости)

ПСЖ (дома)

Барселона (гости)