Филаделфија 76ерс е во потрага по дополнителна опција на центарската позиција, откако Ариел Хукпорти ја заврши сезоната поради кинење на Ахиловата тетива.
Клубот сака да ја зацврсти ротацијата под кошевите и да обезбеди поголем избор покрај Џоел Ембид и Адем Бона.
Според информациите на Џејк Фишер, на радарот на Сиксерс во моментов се наоѓаат двајца резервни центри: Џерико Симс и Муса Сисе.
Симс би можел да стане достапен поради плановите на Милвоки Бакс да го скрати ростерот пред почетокот на регуларната сезона. Тој е еден од кошаркарите што Филаделфија внимателно ги следи, но евентуалниот потег ќе зависи и од финансиската рамка на клубот.
За да се отвори простор за таков ангажман, 76ерс треба да ослободи околу 600.000 долари во платниот буџет.
Втората опција е Муса Сисе од Далас Маверикс. Поради намерата на Далас да го задржи искусниот Двајт Пауел, можно е 24-годишниот репрезентативец на Гвинеја да биде ослободен.
Минатата сезона Сисе бележеше просек од 4,5 поени, 5,7 скока и 1,2 блокади по натпревар, а неговата иднина ќе зависи од конечната одлука на Далас околу составот.
Учество во игри на среќа е дозволено за лица со 18+ години. Играј одговорно!