Иако се големи ривали, Карлос Алкараз не крие дека ги гледа мечевите на Новак Ѓоковиќ и тоа го призна по победата против Ден Еванс на УС Опен со 3:1 (6:3, 6:2, 4:6, 6:3).
Ѓоковиќ еден ден пред Алкараз играше против Ѓере, Алкараз во овој меч ги гледал само првите два сета кога Ѓере имаше водство од 2:0 во сетови. Сепак, Шпанецот немал дилеми дека Ѓоковиќ ќе победи.
Уште еден поткаст! Fat Cacko: Од гитара до Fat kitchen bistro и најдобриот бургер во градот ↓↓↓
„Ги гледав првите два сета од тој меч, потоа си легнав. Но, знаев дека Ѓоковиќ ќе се врати и ќе победи, уште еднаш само докажа дека е еден од најдобрите во историјата“, изјави Алкараз.
Не штедеше пофалби Алкараз за својот ривал.
„Лудо е тоа што го прави Новак, да се прават такви работи на 36 години е неверојатно. Игра како 20-годишник, мора тоа да го признаете и да му се восхитувате“, истакна Шпанецот.
Учество во игри на среќа е дозволено за лица со 18+ години. Играј одговорно!