Алегри: Интер ќе биде шампион

Tренерот на Јувентус, Масимилијано Алегри после натпреварот против Аталанта во Бергамо (1:1) призна дека неговиот тим нема многу шанси за Скудетото.

Aлегри не го гледа својот тим како шампион на крајот од сезоната, според него тоа повторно ќе биде Интер.

„Кој ќе го освои првенството? Интер. Имаат најсилен тим со сета почит кон Милан и Наполи. Во овој момент се подобри од нас, ние на почетокот на сезоната изгубивме многу бодови. Да имавме барем четири бода повеќе, ќе имавме вистинска забава на врвот“, изјави Алегро.

Стретегот на Јувентус додаде и дека неговиот тим ќе размислува за освојување на четвртата позиција која води во Лигата на шампионите.