Џампаоло: Не е важно дали сме аутсајдери, сакаме победа против Интер

Тренерот на Милан, Марко Џампаоло изјави дека не го интересира дали неговиот тим е аутсајдер во дербито против Интер, и истакна дека целта на „росонерите“ се трите бода.

„Победата против Верона беше важен чекор, тимот се подобрува од меч во меч. Нашата цел е победа против Интер. Важно е да играме добро и да имаме визија на теренот, но исто така е важно да ги радуваме фановите со добри резултати. Ова е еден од најтешките натпревари со сезоната и треба да бидеме во одлична форма и да дадеме 100% од себе си“, истакна Џампаоло.

„Ваквите дербија се надвор од сите прогнози. Ги гледав сите натпревари на Интер оваа сезона и не ме интересира што важиме за аутсајдери во овој меч. Сакам мојот тим да биде добар во двете фази, полека играчите ги запознаваат моите идеи и нашата цел утре се трите бода, како и во секој друг меч“, додаде тренерот на Милан.