Роналдо: Среќен сум што играм во Јувентус

Кристиано Роналдо вчера го прослави својот 34-ти роденден, а по тој повод порача дека играњето во Јувентус за него е одлично искуство.

Роналдо постигна 19 голови во првите 30 натпревари во дресот на Јувентус и порача дека уживаа во Торино.

„Многу сум среќен што роденденот го славам токму тука во Италија, баш е убаво. Сакам да им се заблагодарам на сите навивачи за честитките и пречекот кој го имав. Имам одлично искуство тука во Јувентус и таа среќа да играм во Јувентус. Сите се однесуват добро кон мене, посебно во Јувентус. Први сме на табелата и спремни сме за наредните натпревари“, изјави Роналдо.

Следниот натпревар Јувентус го игра на гостински терен против Сасуоло.