Новиот фудбалер на Реал Мадрид, Карлос Еспи, откри дека неговиот трансфер во шпанскиот гигант се реализирал толку брзо што едвај успеал да ја сподели веста со најблиските.
Еспи призна дека најтешкиот дел бил токму чувањето на големата тајна.
„Мојот потпис за Реал Мадрид се случи толку брзо што не можев никому да кажам. Беше неверојатно тешко да ја чувам таа тајна!“, раскажа Еспи.
Младиот фудбалер откри дека поминал низ неколку тешки денови, бидејќи желбата да им ја соопшти големата вест на пријателите била огромна.
„Замислете да не можете да кажете дека ќе потпишете за Реал Мадрид! Беа тешки неколку дена, бидејќи сакате да кажете, но мора да го направите тоа што го бараат од вас“, додаде тој.
Еспи откри дека од клубот им било кажано дека трансферот наскоро ќе биде официјализиран и дека не смеат ништо да откриваат.
„Ни кажаа дека наскоро ќе биде завршено и дека не треба ништо да кажуваме… но сè што сакав беше да им кажам на моите пријатели!“, откри младиот фудбалер.
Учество во игри на среќа е дозволено за лица со 18+ години. Играј одговорно!