Роналдо: Ќе го направам невозможното за да му донесам ЛШ на Јувентус

Суперѕвездата на Јувентус, Кристиано Роналдо вети дека ќе го направи и невозможното за да му ја донесе на тимот титулата од Лигата на шампиони.

Роналдо ова лето пристигна во Јувентус, а главната цел е секако најпрестижниот трофеј во европскиот фудбал.

Јувентус го освојува Скудетото во изминатите 7 години, како и Купот во последните 4 години, но загуби две финалиња во ЛШ. При пристигнувањето на Роналдо фановите извикуваа „донеси ни ја Лигата на шампиони“.

„Се колнам дека ќе го направам невозможното за да ја освојам Лигата на шампиони со Јувентус. Фановите секојдневно го бараат тоа од мене“, истакна Роналдо пред новинарите во Дубаи, каде беше награден на церемонијата „Globe Soccer Awards“.

Cristiano Ronaldo promises “I will do the impossible to win the #UCL with #Juventus”. https://t.co/EHjPvbl4kg #CR7 pic.twitter.com/Pqpnl3TmIx

— footballitalia (@footballitalia) January 3, 2019