Меси дури и ако замине Барселона ќе треба да му исплати богатство ова лето

Лионел Меси од Барселона ќе добие 33 милиони евра бонус без разлика дали ќе остане на „Камп Ноу“ по завршувањето на оваа сеозна.

Медиумите во Шпанија пишуваат дека Барселона на својот најдобар играч ќе мора да му исплати бонус за верност од 33 милиони евра дури и ако Аргентинецот си замине. Актуелниот договор на Меси истекува на крајот од сезоната и може да се случи тој да ја промени средината.

Сега се пишува дека во договорот кој Меси го потпиша уште во 2017 година вклучено е 66 милиони евра бонус за лојалност. Меси во февруари добил полвина од тој бонус, а вториот дел треба да го добие во јуни 2021 година.

Иднината на 33 годишниот Аргентинец во Барселона е под знак прашалник, но не е исклучено ова да му биде последна сезона во дресот на каталонскиот гигант.

Значи ова лето може да се случи Барселона да остане и без Меси и без 33 милиони евра.