Гвардиола знае кого би земал со себе ако оди во војна

Артуро Видал има фантастична кариера. Овој одличен Чилеанец играше за Коло- Коло, а потоа премина во Леверкузен, од каде што направи трансфер во Јувентус, денес е член на Барселона, а во Каталонија дојде од германски Баерн Минхен.

Видал во Баерн работеше со Пеп Гвардиола, а сега шпанскиот тренер порача дека бил воодушевен од неговите квалитети.

„Ако морам да одам во војна, Артуро Видал би бил човекот кој би го земал со себе. Имам убави сеќавања од времето кога двајцата соработувавме во Баерн. Кога бев тренер на Баерн на тимот го даваше она што му беше потребно“, изјави тренерот на Сити.

Покрај Гвардиола претходно за Видал слични изјави даваа Антонио Конте и Буфон со кои соработуваше во Јувентус.