Гвардиола ги руши сите рекорди за ѕвездата на Атлетико

Пеп Гвардиола во текот на летото ќе се обиде дополнително да ја засили екипата на Манчестер Сити.

„Граѓаните“ најавија засилувања на одредени позиции, а изгледа дека најмногу фудбалери ќе пристигнат во средниот ред. Еден од оние кои би можеле да го засилат актуелниот шампион на Англија е фудбалерот на Атлетико Мадрид Родри.

Овој 22-годишен фудбалер со одличните натпревари во дресот на Атлетико Мадрид го привлече вниманието на многу европски гиганти, па Манчестер Сити е подготвен да ја плати клаузулата од 70 милиони евра која стои во неговиот договор.

Доколку се реализира овој трансфер тоа значи дека „граѓаните“ ќе ги срушат сите рекорди за 24-годишниот Шпанец. Во моментов најскапа аквизиција на Сити е Ријад Марез за кого платија 60 милиони фунти.

Спортскиот директор на Манчестер Сити, Чики Бегиристајн во неколку наврати го гледал во живо Родри и исто така е убеден дека ќе биде идеално засилување за „граѓаните“.

Клубот веќе стапил во контакт со неговиот агент и се очекува наскоро двете страни да постигнат комплетен договор, а потоа Сити ќе ја активира откупната клаузула.

https://youtu.be/sWjywZi0c88