Њукасл спреми богата понуда за Рафиња

Бразилскиот репрезентативец, Рафиња ова лето дојде како големо засилување во Барселона за 65 милиони евра.

Меѓутоа, шпанските медиуми информираат дека Каталонците не се задоволни од неговиот допринос и како се вклопи во тимот, па се спремни да го стават на трансфер листа.

Притоа, Барселона има финансиски проблеми и на лето ќе мора да продаде некои од своите ѕвезди, а Рафиња е на таа листа.

Таквата ситуација сака да ја искористи Њукасл, кој е заинтересиран за Бразилецот и веќе спремил понуда од 50 милиони фунти.

Њукасл има прилично добра сезона, стигна до финалето на Карабао Купот и има реални шанси да заврши во Топ 4 и да обезбеди пласман во ЛШ. 

Рафиња е спремен да се врати во Премиер лигата, но само во клуб кој настапува во Лигата на шампиони.