Ќе има директен пренос од утрешниот реванш на Вардар!

Македонскиот шампион Вардар утре ќе го одигра реваншот против фински Купс во првото квалификациско коло од Лигата на шампионите, со задача да ја надомести негативата од 2:0 од првиот натпревар.

Дуелот во Финска е закажан со почеток од 17 часот, а љубителите на фудбалот во Македонија ќе можат да го следат во директен пренос на телевизијата „Арена Спорт М1“.

Победникот од двомечот ќе обезбеди пласман во второто квалификациско коло од Лигата на шампионите, каде што ќе се соочи со подобриот од пресметката меѓу Сабах и ТНС. Поразениот, пак, европскиот настап ќе го продолжи во квалификациите за Конференциската лига, каде што ќе игра против победникот од дуелот меѓу Арарат и Рига.