Бразилецот Рафиња (29) се соочува со поголеми предизвици отколку што е повредата која ќе го оддалечи од следниот натпревар на Бразил против Шкотска на Светското првенство, кое се одржува среда, 24 јуни. Вака тврди Вампета, поранешен фудбалер и светски шампион со Бразил во 2002 година. Денешниот спортски коментатор, во едно интервју зборува дека напаѓачот на Барселона има сериозни финансиски и семејни проблеми и се надева на трансфер во саудискиот Ал-Хилал, пишува Extra Globo.
“Рафиња има сериозни семејни, но и финансиски незгоди. Очајно се надева на преселба во Ал-Хилал, толку е во неволја”, сподели Вампета како гостин во подкастот “Red Cast”. Поранешниот фудбалер продолжи да ги разоткрива детали кои наводно ги слушнал меѓу луѓето блиски до Рафиња во Барселона. “Проблемите се семејни, а ова го слушнав од луѓе кои се блиску до него. Неговата надеж е во одењето во Ал-Хилал за да ја промени ситуацијата.”
Овие информации ги изненадија интернет корисниците, а навивачите ги оставија збунети, особено затоа што Рафиња заработува годишна плата од околу 13 милиони евра, што го прави третиот најплатен играч во тимот со кој неодамна го продолжи договорот до 2028 година.
▶️ ВНИМАНИЕ: Вампета открива дека Рафиња, од селекцијата на Светското првенство, се соочува со сериозни финансиски проблеми во семејството
— Pesquisas Eleições (@EleicaoBr2026) June 21, 2026
Вампета рече дека добил информации од луѓе поврзани со шпанскиот фудбал дека Рафиња, кој моментално игра за Барселона и е повикан за Светското првенство од селекцијата… pic.twitter.com/ORsMsfRakM
Учество во игри на среќа е дозволено за лица со 18+ години. Играј одговорно!