„Финале пред финалето“: Франција против Шпанија – натпревар на терен вреден 2.740.000.000 евра

Првиот полуфинален натпревар на Светското првенство ќе се игра во вторник во 21.00 часот помеѓу Франција и Шпанија.

Тоа ќе биде средба со епитет „финале пред финалето“. Судир на две светски фудбалски суперсили, но и две највредни селекции на планетава Земја.

Според Трансфермаркт, двете репрезентации во моментот вредат 2.740.000.000 евра.

Натпреварот ќе го играат четворица од петте највредни играчи на турнирот, а тоа се Ламин Јамал, Килијан Мбапе, Мајкл Олисе и Педри, додека единствениот фудбалер што недостасува од оваа листа е Ерлинг Халанд.

Французите се највредниот состав на турнирот со 1.520.000.000 евра, а Шпанците се на третото место, додека Англичаните се на второ место.

Ако ги погледнеме позициите на теренот, тројцата шпански голмани се далеку повредни од француските. Унаи Симон, Давид Раја и Ѓоан Гарсија според Трансфермаркт вредат вкупно 97.000.000 евра, додека Мајк Мењон, Брис Самба и Робин Риз вредат 57.000.000 евра.

Најголемата разлика се забележува во нападот каде што Французите вредат 769.000.000 евра, додека Шпанците имаат вредност од 428.000.000 евра, и покрај тоа што го имаат најскапиот офанзивец на светот, Ламин Јамал.