Јувентус спреми понуда која не се одбива за Погба

Италијанскиот гигант Јувентус не се откажува од намерата да го врати Пол Погба во своите редови и спремил одлична понуда за Манчестер Јунајтед.

Во последните неколку месеци се појавија многу шпекулации околу играчот од средниот ред на Манчестер Јунајтед, и медиумите тврдат дека Погба ја игра последната сезона на „Олд Трафорд“.

Неговиот агент Мино Раиола во неколку наврати потврди дека Французинот сака да го напушти клубот, а најсилен интерес за него покажуваат Реал Мадрид и Јувентус.

Британските медиуми пишуваат дека Манчестер Јунајтед ја спуштил цената на Погба на 100 милиони евра и дека Јувентус спремил понуда која „црвените ѓаволи“ се спремни да ја прифатат.

Имено, „бјанконерите“ за потписот на Погба нудат 50 милиони евра плус Мирален Пјаниќ или Арон Рамзи. Солскјер е голем симпатизен на играта на Велшанецот и Босанецот, па е спремен да ја прифати понудата.