Англискиот репрезентативец Маркус Рашфорд е на пат да ја промени својата одлука и да ја обнови кариерата во Манчестер Јунајтед. Неговата позиција до неодамна беше цврста – дека повеќе нема да игра за „црвените ѓаволи“.
Неговата желба беше да остане трајно во Барселона, каде што играше на позајмица во текот на минатата сезона, но Каталонците се откажаа од опцијата за купување на неговите права за 30 милиони евра. Интерес покажаа и Њукасл, Тотенхем, Челзи, Астон Вила и Бајерн Минхен, но засега нема конкретни понуди од овие клубови.
Рашфорд во моментот е во САД со англиската репрезентација, но според „Сан“, во последните недели менаџерот на Јунајтед Мајкл Карик е во постојан контакт со него и го уверува дека може да ја обнови кариерата во клубот. Последниот натпревар на напаѓачот за својот тим беше во декември 2024 година против Нотингем Форест. Тој има договор до јуни 2028 година, а Карик го уверил дека е добредојден назад на „Олд Трафорд“.
Учество во игри на среќа е дозволено за лица со 18+ години. Играј одговорно!