Хаос во таборот на Турција – вирална снимка ги налути навивачите (ВИДЕО)

Фудбалската репрезентација на Турција пред продолжението на Светското првенство е потресена од скандал откако тројца играчи биле снимени на балкон додека пушеле.

Видеото брзо се прошири на социјалните мрежи и предизвика лавина реакции меѓу навивачите. Дополнително го влошија ситуацијата шпекулациите од поединечни корисници дека не станува збор за обични цигари, туку за марихуана, иако за такви изјави нема официјална потврда засега.

„Веќе не заслужуваш да бидеш во репрезентацијата, а сега уште и пушиш“, беше еден од бројните коментари од незадоволните навивачи на социјалните мрежи.

Во моментот Фудбалската федерација на Турција не се огласила околу видеото, ниту се знае дали против играчите ќе биде покрената дисциплинска постапка.

Турција на Мундијалот се наоѓа во групата Д заедно со САД, Парагвај и Австралија, а останува да се види дали овој инцидент ќе влијае на атмосферата во тимот пред следните натпревари.

Според ова видео и извештаите, Чаглар Сејунџу и уште 2 други играчи од националниот тим, кои не се ясно распознатливи, биле фатени како пушат.

Некои велат дека тоа било марихуана, други велат цигари.

Неверојатно.

Веќе не заслужувате да бидете во Националниот тим, а сега и пушите.🤨 pic.twitter.com/LxF8dcjUEz — Turk Scout (@ScouTurk) 13 јуни, 2026