Дома Фудбал Лига на шампиони Стартува Лигата на шампионите – најава и анализа!

Стартува Лигата на шампионите – најава и анализа!

Конечно стартува новата сезона во фудбалската Лига на Шампиони. Има доста интересни групи, а веќе на отварањето ќе следиме големи дерби пресметки. Следува мала најава, анализа и предлог типови за натпреварите кои се на програмата во вторник.

ГРУПА Г

Поинтересниот натпревар од Г групата ќе се одигра во Украина каде Динамо Киев е домаќин на Јувентус. Јуве ефаворит без разлика што ќе игра без Роналдо кој е позитивен на Ковид-19. Пирло е крајно мотивиран и сака успех во Лигата на Шампиони и сака да стартува со победа. Веројатно ќе направи неколку измени во почетниот состав од оној меч викендов против Кротоне кој заврши 1:1, а во првиот тим би требало да има место за Дибала, Рабиот, Киелини кој беа на клупата. Динамо Киев ќе се бори за третото место во оваа група, а бодовите би требало да ги бара во директен дуел со Ференцварош.

Треба да се случи светско чудо за Барса во вториот меч од оваа група да не слави против унгарски Ференцварош. За унгарскиот тим и самиот пласман во групната фаза е огромно достигнување и ќе се обиде да освои некој бод барем со Динамо Киев.

ГРУПА Ф

Лацио – Борусија Дортмунд, еден од дерби натпреварите на отварањето на новата сезона во Лигата на Шампиони. Мал фаворит е Дортмунд, но Лацио е крајно мотивиран и сака да докаже дека минатата одлична сезона не беше случајна. Има Инзаги одличен тим на располагање, но Лацио е во лоша серија и има два порази и реми на последните три меча на кој прими осум гола. Тешко ќе им биде против Халанд кој се наоѓа во одлична форма, но Дортмунд има неколку повредени фудбалери и тоа е шансата за Лацио.

Во вториот меч од групата Зенит е домаќин на Бриж. Зенит има високи амбиции сезонава во Европа и сака пласман во елиминациите. За таа цел ќе мора да слави против аутсајдерот во групата Бриж кој пак се надева на третото место.

ГРУПА Е

Челзи е фаворит според букмејкерите против Севиља. Но кога Севиља игра во Европа, тешко е да се игра против нив кој се специјализирани за европски натпревари, пред се во Лигата на Европа. Сепак, Лампард создаде еден неверојатен тим, а токму овој меч треба да докаже дека засилувањата се погодени. Севиља ќе игра повлечено, но и во тој случај шпанците знаат да бидат опасни па очекувам една тврда игра со многу тактика.

Рен е домаќин на Краснодар во вториот меч од групата, а ова воедно би требало да биде битка за третото место, освен ако една од овие две екипи не изненади сезонава. Рен е поквалитетен, а и сезонава почна одлично во Франција каде има четири победи и три ремија. Од друга страна, Краснодар е на средина на табелата сезонава во Русија и се помачи против ПАОК во квалификациите.

ГРУПА Х

Во една од најсилните групи сезонава во Лигата на Шампиони ќе го следиме дербито на денот, ПСЖ – Манчестер Јинајтед. Ќе биде ова интересен меч, привлечен од секој можен аспект. ПСЖ е фаворит без разлика што има еден куп повредени фудбалери. Тука се Нејмар и Мбапе кој ќе бидат кошмар кон голот на Де Геа и одбраната на Јунајтед која не е на баш високо ниво сезонава. Тимот на Солскер брзо се врати од шокот против Тотенхем и поразот од 1:6, па славеше викендов против Њукасл со 1:4, но сега ќе им треба и повеќе од среќа за да останат непоразени.

Во вториот меч од групата Лајпциг е голем фаворит против шампионот на Турција, Башакшехир. Турскиот тим сезонава игра катастрофално и по пет меча конечно минатиот викенд ја забележа првата победа сезонава во домашното првенство. Лајпциг пак сака реприза во Лигата на Шампиони од минатата сезона кога играше во полуфиналето, но се најде во тешка група и нема опција освен да слави победа на овој меч.

Коментари
Прочитајте поврзани статии
Load More In Лига на шампиони

Проверете

Дерби на денот: Релаксираниот Баерн ќе го тестира Атлетико

Денес на програмата се натпреварите од 5-то коло во Лигата на шампиони, а дербито се игра …