Дома Фудбал Англија Солскјер: Фернандеш донесе победнички менталитет

Солскјер: Фернандеш донесе победнички менталитет

Менаџерот на Манчестер Јунајтед, Оле Гунар Солскјер не го криеше задоволството после победата од 3:0 против Брајтон.

„Црвените ѓаволи“ го потврдија нивниот подем и се искачија на 5-то место во Премиер лигата, со само 2 бода помалку од Челзи, кој има натпревар помалку.

„Момците одиграа исклучително добар натпревар. Првиот гол на Мејсон Гринвуд беше брилијантен. Мејсон е посебен талент. Имаме играчи од највисока класа и го додадовме Бруно Фернандеш, кој му се приклучи на тимот на неверојатен начин. Тој го донесе со себе менталитетот на победник, имено: 99% не е доволно добро, секогаш мора да даваш 100% од своите можности. Довербата доаѓа со натпреварите и со чувството дека работите ги правите на вистински начин. За време на карантинот работевме многу напорно“, рече Норвежанецот.

Тој го пофали и настапот на Пол Погба кој се истакна со асистенција.

„Добар натпревар за него исто така. Пол ја контролираше топката, ги организираше нападите, освои многу дуели. Тој ќе настапува се посилно во иднина“, убеден е Солскјер.

Коментари
Advertisements
Прочитајте поврзани статии
Load More In Англија

Проверете

Ловрен го напушта Енфилд и заминува далеку од Англија

Хрватскиот фудбалски репрезентативец Дејан Ловрен е пред заминување од Енфилд. Иако со Лив…