Се редат проблеми за Зидан: Повреда на уште еден дефанзивец

Додека во Мадрид се спремаат за градското дерби со Гетафе, стигнаа лоши вести.

Реал утре му гостува на Гетафе, но одбраната на „кралевите“ добива удари од коло во коло. Веќе некое време надвор од теренот се Рамос и Варан, во четвртфиналето против Ливерпул играа Начо и Милитао. Од денес Зидан не ќе може да смета и на Ферлан Менди.

Французинот се повредил на тренингот и ќе отсуствува околу две недели. Менди сигурно ќе ги пропушти натпреварите против Гетафе, Кадиз и Бетис.

Првиот натпревар со Челзи во полуфиналето од ЛШ се игра на 27. април, па тешко е да се очекува Менди да биде спремен и за овој дуел.